Þú ert ekki með Adobe Flash uppsett í tölvunni hjá þér

Sækja Adobe Flash

Ráðgjafahornið

Ertu með flösu?
Húð okkar endurnýjast ört og dauðar húðfrumur losna af sem flasa ,ef við erum með svæsna flösu þá eru við að glíma við húðsjúkdóm sem kallast flösuexem .Flestir þurfa að glíma við flösu einhvern tíma á lífsleiðinni, en margir eiga við stanslaust flösuvandamál að stríða. Hægt era ð gera ýmislegt til að halda niðri sjúkdóminum en ekki er hægt að lækna hann allveg en vel er hægt era ð halda honum niðri hér koma mín ráð til ykkar 

Heima ráð gamalt húsráð
Ediki er hellt í hárið og nuddað vel inn í höfuðleðrið, og leyft að þorna í nokkrar mínútur. Svo er hárið þvegið. Þetta ferli er endurtekið daglega þangað til flasan hverfur, vanalega innan fimm daga. Síðan verður að viðhalda meðferðinni einu sinni til tvisvar í viku
Sýkingar í húð þar sem gersveppurinn pityrosporum ovale er til staðar, eins og staðbundin flasa með bólgu í hársverði (seborrhoeic dermatitis) og almenn flasa.
Það sem fæst í apótekinu:

Fungoral hársápa fæst án lyfseðils til meðferðar á almennri flösu)einnig eru til önnur sjampó talaðu við lyfjafræðinginn
Þvottur:
Þvoið hárið með hársápunni og skolið hana úr eftir 3 - 5 mínútur. Venjulega nægir um 5 ml (ein teskeið) fyrir hvern hárþvott.
Flasa með bólgu í hársverði og pityriasis capitis: 
Hársápuna á að nota tvisvar sinnum í viku í tvær til fjórar vikur og síðan eftir þörfum.
Forðist að hársápan berist í augu. Ef það gerist á að skola augun vandlega með vatni.
Það sem fæst á hárgreiðslustofunni: flestir fagmenn eru með mjög góða hársnyrtvöru og sem er sértaklega hönnuð fyrir fólk með exem ,flösuvandamál og ofnæmi fyrir ilmefnum sem er mjög algengt og getur líst sér sem mikill kláði í hársverði . Hægt er að fá spray sem sefar kláða krem og olíu sem hjálpar til við þurrk meðferðar sjampó mjög( virkt ) og viðhaldssjampó (mildara)einnig er til góð létt næring þetta hefur reynst vel . Ef þetta dugar ekki skáltu leita læknis gætir þú fengið væga stera og uppá skrifað fyrir öðrum efnum sem læknirinn mælir með fyrir þig


Svona þvær maður hárið

Hér koma góð ráð fyrir þá sem vilja fá sem mest út úr hárþvottinum:

1.
Til að byrja með þarftu að vera búin/n að greiða hárið með grófum bursta og greiða mjúklega í gegnum það til að fjarlægja allar flækjur; hárið á alltaf að vera þurrt þegar þetta er gert, þ.e.a.s. áður en þú þværð það.

2. 
Næst á að bleyta hárið með volgu vatni og setja dálítið sjampó rétt ofan í miðju lófans. Nudda lófunum saman því þá hitarðu sjampóið sem gerir það að verkum að auðveldara er að nudda því í hárið og það dreifist betur. 

3.
Nuddaðu sjampóið, ca ein matskeið, inn í hárið með fingurgómunum, best er að nudda þéttingsfast í hringi til að minnka líkur á flækjum og auka einnig blóðflæði höfuðleðursins. Byrja efst frá enninu og færa ykkur rólega niður eftir hnakkanum.

4.Hreinsun
Strjúkið lófunum yfir allt hárið til að fjarlægja mestu froðuna. Skolið síðan endurtakið ef hárið er feitt eða mikið að hársnytiefnum í hárinu. Þegar vatnið sem er að renna í gegnum hárið er orðið tært aftur ætti allt sjampóið að vera komið úr, Skola þarf sjampóið vel úr til að næringin geti unnið vel á hárinu, þ.e.a.s.ef hún er notuð. Skola þarf einnig næringuna vel úr hárinu til að hún þyngi ekki hárið, hárið á alltaf að vera hálf stamt eftir þvott. Gott er að nota næringar (leave in spray-næringu) sem má skilja eftir í hárinu til að byggja það upp, en þá þarf ekki að nota næringu við þvott. Alltaf að nota góð efni í hárið sem vinna vel með því, bæði með að byggja það upp með raka og næra það vel. Þá er gott að vefja mjúku handklæði utan um hárið. Takið mesta rakann með því að nudda handklæðinu þétt að hárinu, dempa þannig mesta rakann í burt, ekki þurrka harkalega. Svo er að greiða í gegnum hárið mjúklega með góðum grófum bursta. 

Helena Hólm hárgreiðslumeistari skrifar á lísstílssíðurnar í D.V.á miðvikudögum um allt sem við kemur hárumönnun.

 

 



Góð ráð við barna hárskán í hársverði !

Ég rek og á Stubbalubba hárgreiðslustofu fyrir börn og fáum við börn frá nokkurra mánaða aldri og upp úr. Við fáum ýmsar spurningar varðandi hárumhirðu á börnum: hvað á að þvo hárið? Hvernig næ ég skán úr hársverði? og fl þess háttar. Hér koma nokkur góð ráð frá mér sem þið getið vonadi nýtt ykkur:


Ef barnið er yngra en eins árs notið helst ekki sápu í hárið á þeim, börn á þessum aldri eru ekki með skítugt hár. Þau eru ekki farin að verða fyrir utan að komandi óhreinindum eins og sandi, mold, matarleyfum og slíku. Ef þið notið sápu notið þá vöru sem ætluð er barna hári. Til eru sérstök sjampó sem erta ekki augun. Nauðsynlegt er að skola sápuna vel úr því það getur orsakað skán ef hún er ekki skoluð vel úr . Ef barn er með mikla skán í hárverði er mjög nauðsynlegt að ná henni úr því hún liggur þétt við hárrætur og getur hamlað að hárið vaxi og dafni rétt. Dæmi er um hárlos ef þessu er ekki sinnt. Hægt er að nota bómolíu sem fæst í apótekum og einnig hefur gefist vel að setja næringu og nudda henni varlega í hársvörðin en ekki vera of harhent því börn geta verið misjafnlega viðkvæm, endurtakið nokkrum sinnum en ekki á hverjum degi. Ég mæli með að þið látið líða þrjá daga á milli aðgerða ef þetta dugar ekki látið þá lækni kíkja á barnið .

Litlar stelpur sem eru að safna hári þurfa nauðsynlega að nota næringu ,betra verður að greiða hárið og einnig ver næringin hárið frekar gegn sliti og utanaðkomandi áhrifum eins og sól og þess háttar. Séu börn mikið í sundi þarf að hreinsa hárið með sérstöku hreinsi sjampói því klórinn hefur ætandi áhrif á hárið og það slitnar líka fyrr. Ég mæli með að láta særa hár á 8-12 vikna fresti, það fer eftir hárgerð. Hvernig hárið er hirt gildir líka með stráka ,þeir þurfa líka að nota hárnæringu í sitt hár sérstaklega ef þeir eru að safna hári sem hefur verið í tísku núna.

 

Líflaust hár

Líflaust hár getur stafað út frá veikindum, vöðvabólgu, slæmu matarræði streitu og röngu vali á hársnyrtiefnum. Llíflaust hár getur jafnvel verið afleiðing veðráttu eða vegna hormónatruflana í líkamanum eða eftir barneignir. Líflaust hár vantar oft þykkt og gljáa hægt er a ð velja sjampó sem gefa fyllingu. Einnig eru komin á markaðinn ýmis góð hársnyrtiefni sem þykkja hárið. Ég vil ráðleggja þeim sem finna fyrir slíku að taka inn vítamín fyrir hár og neglur og þaratöflur eða B vítamín. Vænlegast er að fara á hárnyrtistofu og fá góða djúpnæringu og gott höfuðnudd til að örva blóðstreymi til hárrótanna.


Marktæk ráð.:Það er gott að setja glansskol í hárið því það gefur hárinu meiri þykkt, fyllingu og gljáa en mikilvægt er að passa að velja lit sem er næst háralit hvers og eins. Ekki er gott að nota heimaliti því ef viðkomandi hefur fingert þunnt hár ætti sá hinn sami að leita frekar til fagaðila. Svo er gott ráð er að nota shampó sem eru mild og ekki nota of heitt vatn þegar hárið er þvegið. 


:Hvað skal varast
Vertu viss um að hárvörurnar sem þú notar innihaldi ekki glyserine (olíusætu) eða silicone og einnig er gott að hafa í huga að nudda ekki shampóinu fast heldur með léttum hringlaga hreyfingum. Skola síðan hárið með frekar köldu vatni, um að gera að setja froðu eða blásturvökva í hárið því það gefur áberandi mikla fyllingu. Svo að lokum er gott að nota svokallaðar 'leave in' næringu því hún verndar hárið fyrir veðri, hitablæstri og sléttujárnum. 

Svo er um að gera að velja ávallt klippingu sem gefur hárinu lyftingu og gerir það líflegra. 

Kveðja, Helena Hólm

 

 

 heimildir teknar af vef landlæknidembættisins Til eru þrjár gerðir af lúsum sem sýkja menn:

 

  • Höfuðlús – Pediculosis humanus capitis
  • Flatlús – Phthirus pubis
  • Búklús – Pediculus humanus corpus

Höfuðlús – Pediculus humanus capitis


Í leiðbeiningum um höfuðlús er fjallað um:

Höfuðlús – Pediculus humanus capitis

Inngangur 
Höfuðlúsin er lítið skorkvikindi sem hefur aðlagað sig manninum og lifir sníkjulífi í mannshári á höfði og nærist á því að sjúga blóð úr hársverðinum. Hún er ekki talin bera neina sjúkdóma og því skaðlaus hýslinum. Allir geta smitast en staðfest smit er algengast hjá 3-12 ára börnum. Höfuðlúsasmit er ekki talið bera vitni um sóðaskap.

  • Mikilvægt er að þeir sem greinast með höfuðlús eða forráðamenn þeirra bregðist strax við smitinu, með þeim aðferðum sem ráðlagðar eru hér á eftir, til að komið sé í veg fyrir dreifingu til annarra.
  • Frá árinu 1999 hefur höfuðlús verið skráningarskyldur sjúkdómur og safna Heilsugæslustöðvar, hver á sínu svæði, og skólahjúkrunarfræðingar upplýsingum um lúsasmit og senda til sóttvarnalæknis Landlæknisembættisins, einu sinni í mánuði. 
  • Almenningur er beðinn um að tilkynna um lúsasmit til sinnar Heilsugæslustöðvar

Lífsferill 

 
Fullorðin höfuðlús er 2-3 millimetrar að stærð (svipað og sesamfræ), gráhvít eða ljósbrún á lit. Lífsferill hennar hefst í eggi sem kallað er nit. Á sex til tíu dögum klekst út úr nitinni, unglús (nymph), pínulítil, sem á 9-12 dögum þroskast yfir í fullorðna karl- eða kvenlús. Innan 24 klst. frá kynmökum, sem eiga sér stað í eitt skipti, byrjar kvenlúsin að verpa og festa nitina á hár og getur hún verpt allt að tíu eggjum á dag.

 

Lúsin hefur sex fætur og sérhannaðar klær til að komast um í hárinu og getur skriðið 6-30 sentimetra á mínútu. Hún getur ekki flogið, stokkið né synt. Lífslengd kven- og karlhöfuðlúsa er allt að 30 dagar en ef þær detta úr hárinu út í umhverfið fjærri hlýjum, rökum og blóðríkum hársverðinum, veslast þær upp og deyja á 15-20 klukkustundum.

 

Nit – lúsaregg 
Egg lúsarinnar eru kölluð nit og getur hún verpt allt að tíu eggjum á dag. Hún „límir" þau við höfuðhár með sérstöku efni sem hún framleiðir, um 1 sm frá hársverði en til að þau klekjist út þarf hitinn að vera um 22 °C.

Nit er 0,8 mm löng og sést með berum augum og getur litið út eins og flasa en ólíkt flösu er hún föst í hárinu. Þegar nitin hefur klakist út sitja tóm egghylki áfram í hárinu og erfitt getur verið að sjá hvort þau eru full eða tóm en ef þau eru langt frá hársverðinum er líklegt að þau séu tóm eða lúsin í þeim dauð. Algengast er að finna nit í hárinu ofan við eyrun og við hárlínuna aftan á hnakkanum.


    Lúsaregg nefnist nit


Nitin getur litið út eins og flasa


Höfuðlúsin „límir" nitina á hár 
nálægt hársverðinum 

Ekki er hægt að smitast af lús með nitinni. Þó nit sé í hári er það ekki ótvírætt merki um lúsasmit. 

Smitleiðir

  • Lúsin getur farið á milli hausa ef bein snerting verður frá hári til hárs í nægilega langan tíma til að hún geti skriðið á milli en hún getur hvorki stokkið, flogið né synt.
  • Höfuðlús sem fallið hefur út í umhverfi verður strax löskuð og veikburða og getur þ.a.l. ekki skriðið á annað höfuð og sest þar að. Þess vegna er talið að smit með fatnaði og innanstokksmunum sé afar ólíklegt en ekki er þó hægt að útiloka að greiður, burstar, húfur og þess háttar, sem notað er af fleiri en einum innan stutts tíma, geti hugsanlega borið smit á milli.

Einkenni smits

  • Tveir af hverjum þremur sem smitaðir eru af höfuðlús hafa engin einkenni.
  • Einn af hverjum þremur fær kláða. Kláðinn stafar af ofnæmi, sem myndast með tímanum (frá nokkrum vikum að þremur mánuðum), gegn munnvatni lúsarinnar sem hún spýtir í hársvörðinn þegar hún sýgur blóð. Kláðinn getur orðið mikill og húðin roðnað og bólgnað þegar viðkomandi klórar sér og í einhverjum tilfellum geta komið sár sem geta sýkst af bakteríum.

Greining

  • Leita þarf að lús í höfuðhárinu með nákvæmri skoðun, en það er best gert með kembingu með lúsakambi yfir hvítum fleti eða spegli og hafa góða birtu.
  • Mörgum finnst þægilegra að kemba blautt hár sem í er hárnæring (sjá nánari lýsingu um kembingu) en öðrum finnst þægilegra að kemba hárið þurrt.
  • Finnist lús, jafnvel bara ein, er það merki um að viðkomandi er með höfuðlús og þarf meðferð með lúsadrepandi efni (sbr. leiðbeiningar).
  • Nit lítur í fljótu bragði út eins og flasa, en ólíkt flösu er hún föst við hárið og er helst að finna ofan við eyrun og við hárlínu aftan á hálsi. 
Kembing í leit að höfuðlús í blautu hári


Lúsakamba er hægt að kaupa í lyfjabúðum

  • Þvo hár með venjulegri aðferð, skola og setja venjulega hárnæringu sem höfð er áfram í hárinu og hárið haft blautt.
  • Greiða burtu allar flækjur - hárið er enn blautt.
  • Skipta frá greiðu/bursta yfir í lúsakamb og hafa undir hvítt blað eða spegil, til að auðveldara sé að sjá hvort lús fellur úr hárinu.
  • Skipta hárinu upp í minni svæði, til að auðvelda skoðun alls hársins.
  •  Draga kambinn frá hársverði að hárendum og endurtaka þar til farið hefur verið vandlega í gegnum allt höfuðhárið.
  • Eftir hverja stroku skal skoða hvort lús hefur komið í kambinn og þurrka úr með bréfþurrku áður en næsta stroka er gerð.
  • Nit lúsarinnar, sem líkist flösu í fljótu bragði en er föst við hárið, er oft að finna ofan við eyrun og við hárlínu aftan á hálsi. Nit ein og sér er ekki órækt merki um smit, sérstaklega ekki ef hún er langt frá hársverðinum því þá er lúsin í henni að öllum líkindum dauð.
  • Eftir kembingu alls hársins skal skola úr hárnæringuna.
  • Kemba aftur til að athuga hvort einhver lús hefur orðið eftir.
  • Þrífa kambinn með heitu sápuvatni og þurrka.

Lúsadrepandi efni sem seld eru í íslenskum lyfjaverslunum án lyfseðils eru:

Malathion húðlausn 5 mg/ml í ísóprópýl alkóhóli (Prioderm®) 
Malathion hársápa 10 mg/ml (Prioderm®) 
Permethrinum hársápa 10 mg/ml (Nix®) 
Húðfleyti með Dísúlfram 2 g og bensýlbensoat 22,5 g í 100 g (Tenutex®)


Meðferð við höfuðlús

Ef lús finnst í hárinu er mælt með:

Að setja efni í hárið sem drepur lúsina og endurtaka þá meðferð þegar 7 dagar eru liðnir frá hinni fyrri. Mælt er með: 

  1. Fyrir heilbrigða einstaklinga frá 2 ára aldri er áhrifaríkast að nota alkóhóllausnir efnanna; setja þær í þurrt hárið og láta þær þorna eðlilega (ekki nota hárþurrku þ.s. efnin eru eldfim) og vera í hárinu í 8-12 klst. Endurtaka þessa meðferð eftir 7 daga.
  2. Fyrir einstaklinga með astma, exem, rofna húð og börn yngri en 2 ára skal nota vatnslausnir efnanna; setja í þurrt hárið og láta þorna og vera í hárinu í 12 klst. Endurtaka þessa meðferð eftir 7 daga.
  3. Mikilvægt er að fara nákvæmlega eftir leiðbeiningum um notkun efnanna.
  4. Fyrir barnshafandi konur og konur með börn á brjósti er Malathion í alkóhóllausn eða vatnslausn (Prioderm) talin örugg meðferð. Ekki er mælt með notkun Pemethrinum hársápu (Nix) hjá þessum hópi þar sem áhrif hennar hafa ekki verið rannsökuð.

     

    Hafa í huga: að efni sem sett eru í blautt hárið og höfð í stuttan tíma (s.s. hársápur) hafa ekki reynst eins vel og geta frekar stuðlað að myndun ónæmis lúsarinnar gegn viðkomandi efni.

     

    1.  
      1. Samhliða skal kemba hárið með lúsakambi daginn eftir að lúsameðalið var sett í hárið og kemba síðan fjórum sinnum næstu tvær vikur.
      2. Ef meðferð á að skila árangri og til að komið sé í veg fyrir endursmit, þarf að skoða aðra heimilismenn og nána vini (kemba með lúsakambi) til að kanna hvort að þeir eru einnig með lús. Ef lús finnst hjá þeim skal meðhöndla þá, alla samtímis, með lúsadrepandi efni og kembingu.
      3. Aldrei má nota fyrirbyggjandi meðferð við höfuðlús þar sem það eykur líkur á myndun ónæmis fyrir lyfjunum.
      4. Fylgjast þarf með hársverðinum eftir vel heppnaða meðferð ? endursmit getur átt sér stað ef smitmiðillinn er ennþá í umhverfinu.
      5. Ef kláði var til staðar fyrir meðferð getur tekið nokkurn tíma fyrir hann að hverfa. Áframhald kláða í einhvern tíma eftir meðferð þýðir ekki endilega að lúsin sé komin á ný. Ef kláðinn verður viðvarandi er mælt með að viðkomandi leiti læknis.

     

    •  
        • Ef meðferð ber ekki árangur er líklegast að ekki hafi verið rétt staðið að henni s.s. að ekki hafi verið notað rétt efni, að ekki hafi verið notað nægilega mikið efni, að efnið hefi ekki verið haft nægilega lengi í hárinu eða að endursmit verði frá sýktum einstaklingum í umhverfinu s.s. fjölskyldumeðlimum eða nánum vinum.
        • Á Vesturlöndum hefur orðið vart ónæmis hjá höfuðlús fyrir öllum lúsalyfjum, einkum fyrir Permethrini. Við rannsóknir hefur komið í ljós að malathion í alkóhollausn sem sett er í þurrt hár og haft í hárinu í 8-12 klst. er árangursríkast og þar af leiðandi er mælt með notkun þess.
        • Til að minnka líkur á að lúsin myndi ónæmi gegn lúsalyfjum er afar mikilvægt að meðhöndla aðeins þá sem greinast með lús og fara nákvæmlega eftir leiðbeiningum um notkun efnanna.
        • Ef lifandi lús er enn í hárinu eftir rétt framkvæmda meðferð getur hugsast að um ónæmi höfuðlúsarinnar gegn viðkomandi lúsalyfi sé að ræða. Í slíku tilfelli skal hefja aðra meðferð með annarri tegund höfuðlúsadrepandi efnis og fara nákvæmlega eftir notkunarleiðbeiningum.
        • Höfuðlúsaeyðing með „náttúrulegum" efnum: 

        Rannsóknir hefa sýnt að jurtaseyði og ýmis gömul húsráð (s.s. að setja júgursmyrsli eða vaselín í hárið, majonesu, ólívuolíu, jurtaolíu o.s.frv.) drepa ekki höfuðlýs þó eitthvert gagn hafi reynst vera af Tea tree olíu.

        Ekki er hægt að mæla með notkun ilmolíu í baráttunni við höfuðlús og líklegt ar að slíkt geri ekkert gagn - engar rannsóknir eru til að styðja notkun slíkra efna.

        Aldrei skal setja í hárið eldfim efni og eitruð, s.s. bensín eða kerósón, né efni sem ætluð eru til nota á dýrum.

        Ástæður fyrir að meðferð bregst og hvað skal þá gera?

        Þrif í umhverfi 
        Ekki er þörf á sérstökum umhverfisþrifum til að ráða niðurlögum lúsasmits. Höfuðlýs í umhverfinu eru til lítils megnugar þegar þær eru ekki í hlýju höfuðhárs og með aðgang að mannsblóði og deyja á 15-20 klst., þ.e.a.s. innan sólarhrings.
         
        Ef talin er þörf á, t.d. þar sem er sameiginleg greiða eða bursti, er rétt að þvo slík áhöld með heitu sápuvatni eða hella yfir það heitu vatni og láta standa í nokkrar mínútur.


        - - - - - - - -

         

         

        Heimildir: 
        Burkhart, C.G., 2004. Relationship of Treatment-Resistant Head Lice to the Safety and Efficacy of Pediculicides. Mayo Clinic Proceedings; 79, 5; ProQuest Medical Library:661-666. 

        Burkhart, C.N., 2003. Fomite transmission with head lice: A continuing controversy. The Lancet; 361:99-100. 

        Burkhart, C.N., Burkhart, C.G., 2004. Head Lice Revisited:In vitro standardized tests and differences in malathion formulations. Archives of Dermatology, 140, 4:488. 

        Elston, D.M., 2003. Drug-Resistant Lice. Archives of Dermatology; 139, 8;1061-1064. 

        Flinders, D.C., De Schweintz, P., 2004. Pediculosis and Scabies. American Family Physician;69, 2; Health module 341-348. 

        Frankowski, B.L., Weiner, L.B., 2002. Head Lice, Clinical report. Pediatrics; 110:3:638-642. 

        Hansen, R.C., O´Haver, J., 2004. Economic Considerations Associated With Pediculus humanus capitis Infestation. Clinical Paediatrics; 43, 6:523-527. 

        Larsen, K.S. 2005. Munnlegar upplýsingar. 

        Leiðbeiningar um greiningu og meðferð höfuðlúsar 2004. Breskur gagnabanki um klínískar leiðbeiningar: http://www.prodigy.nhs.uk 

        Leiðbeiningar um höfuðlús: Vejledning om hovedlus, upplýsingar unnar 2000. Statens skadedyrlaboratorium, Ministeriet for Födevarer, Landbrug og Fiskeri, http://www.dpil.dk 

        Meinking, T.L., Serrano, L., Hard, B., Entzel, P., Lemard, G., Rivera, E., Villar, M.E., 2002. Comparative In Vitro Pediculicidal Efficacy of Treatments in a Resistant Head Lice Population in the United States. Archives of Dermatology;138:220-224. 

        Nash, B., 2003. Treating head lice ? Clinical review. BMJ;326:1256-1258 

        Ressel, G.W., 2003. AAP Releases clinical report on head lice ? practice guidelines. American Family  Physician; 67, Health module: 1391-1392. 

        Roberts, R.J., Burgess, I.F. 2005. New head-lice treatments: hope or hype? Lancet; vol 365, 1:8-9 

        Roffe, C., 2000. Treatment of pediculosis capitis by dry combing. Lancet; 355:1724. 

        Tedenborg, M., Larsen, K.S., Öhman, S., 2002 . Allt fler barn drabbas av löss ? Nu behövs gemensamma krafttag. Upplýsingar um höfuðlús fengnar 2004 af heimasíðu Smittskyddinstituttet í Svíþjóð: http://www.smittskyddsinstitutet.se/ 

        Williams, L.K., Reichert, A., MacKenzie, W.R., Hightower, A.W., Blake, P.A., 2001. Lice, Nits, and School Policy. Peadiatrics:107;5:1011-1015. 

        Zepf, B., 2004. Treatment of head lice: Therapautic options. American Family Physician; 69;3:665 

        Uppfært 30. mars 2007

         

       




      Veflist ehf Vörumerki
      Augnablik...